Tuesday, February 27, 2007

Mish i shuar me vere te kuqe

Kjo eshte nje recete qe zakonisht shoqerohet me nje recete tjeter. Me nje fjale, kur behet mishi i shuar me vere ai behet per t'u shoqeruar ose me patate te furres, ose me pure patate ose me makarona. Por ka edhe mundesira te tjera, keto jane keto qe m'u kujtuan tani. Per receten e treguar ne foto kam perdorur:

1kg mish vici i prere ne copa te vogla
1 kokerr qepe
1 karote
1 rrenje selinoje
2-3 thelbinj hudhre
1 luge miell
vere te kuqe gatimi
vaj ulliri
kripe
ereza (majdanoz)
Nje tenxhere me parete te trasha



Mishi ndahet ne porcione te vogla dhe skuqet ne vajin e paranxehur. E rendesishme: skuqja duhet te behet ne temperatura te larta. Pasi te kete marre ngjyre te kafenjte dhe nje korre te kuqerremte nga te gjitha anet, largojini porcionet dhe vendosini ne nje pjate menjane. Vazhdoni me porcionin tjeter te mishit. Keshtu me radhe deri sa te mbarohet i gjithe mishi.

Pasi te jete skuqur i gjithe mishi, hidheni perseri ne tenxheren me ene te trasha ku u be skuqja dhe sperkatini me miell te situr. Perziejini mire dhe shuajeni me vere te kuqe. Lereni mishin ta pije veren per disa minuta.

Pastaj shtojini edhe zarzavatet e pastruara dhe prere ne copa te vogla paraprakisht. Shtojini uje, uleni zjarrin ne te avashem dhe verini kapakun. Lereni keshtu per te pakten 1 ore.



Pas nje ore provojeni mishin nese eshte bere gati. Nese po shtojini kripen dhe erezat dhe lereni edhe nje 10 minutesh tjeter perpara se ta hiqni nga zjarri.
Ju befte mire!

Keshilla praktike:
1. Eshte e rendesishme te perdorni mish te cilesise se mire per kete recete. Mish i mire eshte ai qe nuk nxjerr leng gjate skuqjes.
2. Nje moment i rendesishem eshte edhe temperatura e mishit. Ne se mishin e keni mbajtur ne frigorifer, lejojini te marre se pari temperaturen e dhomes perpara se ta skuqni. Keshtu mishi e ruan lengun me mire.




Monday, February 26, 2007

Sallate dimri

Per sallatat e dimrit mund te perdoren sallata te sezonit te dimrit apo lloje te ndryshme lakrash si dhe karotat.

Priteni sallaten apo lakren ne fije te holla

Grini karoten

Pergatisni salcen e sallates ne kete menyre. Vaj ulliri aq sa te arrije per sallaten, aceto balsamico di Modena 1/2 e sasise se vajit te ullirit.

Shtojini salces senf (nje e shtypur tubi) dhe dy thelbinj hudhre te shtypur. Kripe dhe piper te zi.

Perzijini ingredientet mire dhe hidhjani sallates siper. Kujdes! Per ata qe nuk e durojne hudhren mund ta lini jashte recetes. Perndryshe, sasite e ingredienteve mund t'i provoni per te gjetur masen e tyre te sakte sipas shijes suaj. Perzierja e rekomanduar me siper eshte relativisht e shijes se forte.

Ju befte mire!

Sunday, February 25, 2007

Risotto (rizoto)

Per 4 veta:

2 gota uji risotto
vere te bardhe
1 qepe
djathe parmigiano (parmesan)
vaj ulliri
bujon (rreth 2l)


Qepe, risotto, vere e bardhe dhe extract bimesh per bujon

Hidhni rreth 2l uje ne nje tenxhere dhe shtoni ne te ekstraktin e bimeve. Kur te kete marre nje vale, hiqeni dhe lereni menjane. Por mos e lini per nje kohe shume te gjate, sepse bujoni nevojitet te jete i nxehte!

Ne nje tenxhere apo tigan te thelle, nxeheni vajin e ullirit duke e kalibriruar pjaten e sobes ne temperaturen me te larte. Kur vaji te jete nxehur shtoni qepen e grire holle dhe kaurdiseni shpejt deri sa te marri nje ngjyre te verdhe ne te arte.

Shtoni risotton, ulni temperaturen e sobes qe te jape zjarr te avashem dhe perziejeni orizin mire me vajin dhe qepen per disa minuta.

Shuajeni me vere te bardhe dhe lereni te zieje ne zjarr te avashem derisa te avullohet vera.

Shtoni nga nje garushde me bujon te nxehte ne tigan dhe pa pritur qe ta pije orizi te terin, shtoni nje garuzhde tjeter. Bejeni kete pune deri sa orizi te behet i ngrenshem. Zjarrin mbajeni te avashem dhe mos e lini orizin te thahet.


Ne nje pjate grini parmesanin, diku rreth dy grushta plot, dhe ja shtoni risottos ne fund fare, kur te jete bere gati per te ngrene.

Ju befte mire!

Keshilla praktike:

1. Risotto eshte nje lloj orizi special qe, ne ndryshim nga orizi yne ne shqiperi, mban uje dhe, si rrjedhim, nuk thahet.
2. Risottoja shijon me mire ne se nuk lihet te thahet shume. Hidheni djathin para se uji te avulloje plotesisht.
3. Risottoja kombinohet shume mire me fasulet.

Fasule

Per 4 persona:

1/2 kg fasule
1 doze salce domateje
1 qepe mesatare
3 gjethe dafine
rigon
piper i zi
kripe
vaj ulliri


Fasulet lerini gjate gjithe nates ne nje ene te thelle me uje. Diten tjeter, para se t'i gatuani, derdheni ujin, shplajini fasulet mire dhe hidhini ne nje tenxhere me presion me uje, aq sa masa e ujit (niveli i ujit) te jete sa dyfishi i mases (nivelit) te fasuleve. Llogarisni rreth 30 minuta kohe zjerjere. Kujdes, kjo kohe zjerrjeje vlen vetem ne se ndiqni pike per pike kete procedure.

Ne nje tigan te thelle hidhni vajin e ullirit dhe kthejeni celesin e pjates se sobes ku po gatuani ne maksimum. Kur vaji te jete nxehur shume hidhini qepet e prera ne kubike te vegjel dhe kaurdisini aq sa te marrin nje ngjyre te verdhe ne te arte. Shtoni purene e domate dhe lerini te shkrijne tek njera-tjetra per aq kohe sa eshte e nevojshme. Kur qepa dhe domatja te jene shnderruar ne nje mase te trashe, shtoni kripen, piperin e zi dhe rigonin. Nje pjese te kesaj salce shtrojeni mbi nje cope buke dhe shuani urine e vockel (pa prekur ate te madhen). Shtojeni salcen ne tenxheren ku keni gatuar fasulet, shtoni gjethet e dafines, shikoni ne se fasulet kane uje mjaftueshem dhe lerini te ziejne se bashku deri sa lengu i fasuleve te jete paksa i trashe.


Ju befte mire!

Keshilla praktike:
1. Ne vere zevendesojeni dozen e purese se domates me domate te fresketa, te pjekura mire.
2. Erezat qe mund te shtoni ne fasule mund te jene nga me te ndryshmet. Borziloku, psh, funksionon shume mire. Ne boten gjermane per fasulet perdorin kryesisht te ashtequajtur Bonnenkraut, nje erez tipike per fasulet. E kam provuar dhe shkon shume mire edhe me menyren shqiptare te gatimit te fasuleve.
3. Ne se doni ta pershpejtoni procesin e trashjes se lengut te fasuleve atehere merrni nje luge gjelle fasuleje dhe shtypini. Hidheni masen e shtypur prape tek fasulet dhe perziejeni mire. Lereni te zieje pak dhe duhet te jete gati.
4. Fasulet mund te hahen ne vere dhe ne dimer. Te shoqeruara me buke, si supe, apo e kombinuar me pilaf.
5. Ne dimer, ne kohe gripi, fasuleve mund t'i hidhni pak spec djeges. Eshte si balsam per trupin dhe shpirtin (djeg nje cike, por te sheron, ama)

Friday, February 16, 2007

Karkaleca deti ne krem qumeshti

Per dy veta:

250 g karkaleca deti te pastruar
2,5 dl krem qumeshti (panna, sanne)
2 dl vere e bardhe (gatimi)
dy thelbinj hudhre te shtypur
1 luge gjalpe gatimi
kripe
majdanoz


Karkalecat skuqen ne gjalpe se bashku me hudhrat e shtypura.

Shuhen me veren e bardhe.

Shtohet kremi i qumeshtit dhe lihen ne zjarr te avashem derisa kremi te trashet paksa. Shtohet kripe dhe majdanoz. Ju befte mire!

Keshilla praktike:

Karkalecat mund te hahen ne kete forme te shoqeruar me buke. Por, mund te kombinohen me patate ose me pilaf, plus zarzavate.

Supe dimri


Per kater veta:


nje qepe
nje presh
nje karrote
gjysem lakre mesatare (cfaredolloj lakre)
cerek rrenje selinoje
1 luge gjalpe gatimi (ose vaj ulliri)
1 Bujon lengu mishi i tretur ne 1L uje te nxehte
piper i zi

Zarzavatet pastrohen, lahen dhe priten ne copa te vogla. Ne nje tenxhere te thelle kaurdiset ne gjalpin e tretur qepa, pastaj preshi, karotat, selinoja dhe ne fund lakra. Shuhen ne ujin ku eshte tretur paraprakisht bujoni dhe lihen ne zjarr derisa zarzavatet te zbutet. Pasi zarzavatet te jene bere gati per t'u ngrene, supa shperndahet neper pjata, i shtohet piperi dhe, sipas deshires, edhe majdanoz i fresket.


Keshilla praktike:


1. Zakonisht bujoni ka kripe mjaftueshem dhe nuk eshte e nevojshme qe supes t'i hidhet kripe. Megjithate sipas deshires mund t'i shtohet supes edhe pak kripe.
2. Per ata qe ju pelqen qe supa te mos jete shume e ujeshme, keshillohet perdorimi edhe i patates. Lereni te zieje shume, ne menyre qe te tretet dhe te lidhi supen ne nje mase paksa viskoze.
3. Ne vend te bujonit te mishit mund te perdoret edhe i bimeve.
4. Supa mund te pergatitet edhe me mish. Ne kete rast, perdorimi i bujoneve nuk eshte i nevojshem. Por, mos harroni te perdorni kripen.

Avokado (per te rregulluar gojen)

Per nje ose dy persona:


1 avokado e pjekur
Kripe
Vaj ulliri
Aceto Balsamico (uthull vere)





Avokadoja ndahet pergjysem dhe i hiqet fara. Gropa e fares mbushet me vaj ulliri, uthull dhe kripe. Avokadoja eshte gati per ta ngrene. Perdorni nje luge caji, futeni ne tulin e avokados, lyejeni me perzierjen e vajit, uthulles dhe kripes dhe ... hop ne goje. Levozhga e avokados nuk hahet. Ju befte mire.

Tuesday, February 13, 2007

Supe me miell dhe mish pule

Per 4 veta:


4 krahe pule
2 luge gjelle miell
1L uje
2 luge gjelle gjalpe
2 thelbinj hudhre
kripe
piper
majdanoz
1 kokerr limon



Krahet e pules skuqen mire ne nje tenxhere te thelle me 1 luge gjelle gjalp, ne nxehtesi mesatare, derisa mishi brenda te mos jete me i kuq dhe perjashta te kete zene nje kore me ngjyre te verdhe ne te kuqerremte. Para se mishi te hiqet nga zjarri sperkatet me kripe.




Pasi hiqet mishi nga zjarri, ne yndyren e tij shtohet mielli, hudhrat e shtypura dhe pjesa e ngelur e gjalpit, dhe kaurdisen derisa mielli dhe hudhrat te marrin ngjyre te verdhe.






Shtohet uji dhe perziehet me miellin e kaurdisur. Zakonisht gjate kesaj procedure formohen shume kokrra mielli te cilat ne fund duhet te jene tretur plotesisht. Per ta pershpejtuar kete proces, mund te perdoret nje mixer. Pasi mielli te jete tretur ne menyre te njetrajtshme lihet ne zjarr mesatar per rreth 10-15 minuta te tjera. Gjate kesaj kohe supa merr shijen e mishit dhe te hudhres dhe trashet paksa. Nese supa trashet shume shtojini pak uje. Ne fund, supes i shtohen kripe dhe piper i zi, shperndahet e nxehte neper pjata supe, zbukurohet me majdanoz, sipas deshires, i shtohet gjalp i skuqur dhe limon, si edhe copat e mishit.

Keshilla praktike:
1. Majdanozi, limoni, gjalpi i skuqur shtohen sipas deshires. Edhe pa to supa eshte shume e shijshme.
2. Ne vend te kraheve te pules mund te perdoren edhe kofshet, kercinjte, apo gjoksi i prere ne copa te vogla.
3. Eshte e rendesishme qe pula te skuqet me zjarr jo shume te nxehte sepse ne kete menyre nxehtesia deperton mishin shume mire dhe ul rrezikun e te semurit nga salmonela.
4. Eshte e keshillueshme te perdoret gjalpi i gatimit, por ne mungese te tij mund te perdoret edhe gjalpit i bukes.